മധ്യപൂർവ്വേഷ്യയിൽ വീണ്ടും സംഘർഷം ശക്തമാകുന്നു മാപ്പ് പറഞ്ഞതിന് പിന്നാലെ വീണ്ടും ആക്രമണം നടത്തി ഇറാൻ

മധ്യപൂർവ്വേഷ്യയിൽ വീണ്ടും സംഘർഷം ശക്തമാകുന്നു
മധ്യപൂർവ്വേഷ്യയിൽ സംഘർഷം വീണ്ടും രൂക്ഷമാകുന്ന സാഹചര്യത്തിലാണ് അയൽരാജ്യങ്ങളെ ആക്രമിക്കില്ലെന്ന ഇറാൻ പ്രസിഡന്റിന്റെ മുൻവാക്കുകൾ ചോദ്യം ചെയ്യപ്പെടുന്നത്. റിപ്പോർട്ടുകൾ പ്രകാരം ഇറാൻ വിവിധ രാജ്യങ്ങളിലെ സൈനിക കേന്ദ്രങ്ങളെ ലക്ഷ്യമിട്ട് മിസൈൽ ആക്രമണം നടത്തിയതായി വിവരം പുറത്തുവന്നു. ഖത്തർ, ബഹ്‌റൈൻ, സൗദി അറേബ്യ എന്നിവിടങ്ങളിലേക്കാണ് ഇറാന്റെ ആക്രമണം നടന്നതെന്ന വിവരങ്ങളാണ് പുറത്തുവരുന്നത്.
ഖത്തറിനെ ലക്ഷ്യമിട്ട് ഇറാൻ നിരവധി മിസൈലുകൾ വിക്ഷേപിച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു. മധ്യപൂർവ്വേഷ്യയിലെ ഏറ്റവും വലിയ അമേരിക്കൻ സൈനിക താവളങ്ങളിൽ ഒന്നായ അൽ ഉദ്ദേയ്ഡ് എയർ ബേസിൽ അക്രമണം.ഖത്തർ ഈ ആക്രമണത്തെ തുടർന്ന് അതീവ ജാഗ്രതയിലാണ്. അമേരിക്കൻ സൈനിക സംവിധാനങ്ങൾ മിസൈലുകൾ തടയാൻ പ്രതിരോധ സംവിധാനങ്ങൾ സജീവമാക്കിയതായി റിപ്പോർട്ടുകൾ സൂചിപ്പിക്കുന്നു.
ഇതിനോടൊപ്പം ബഹ്‌റൈൻ ലെ അമേരിക്കൻ സൈനിക താവളത്തെയും ഇറാൻ ലക്ഷ്യമിട്ടതായി വിവരങ്ങളുണ്ട്. മധ്യപൂർവ്വേഷ്യയിലെ അമേരിക്കൻ നാവിക സേനയുടെ പ്രധാന കേന്ദ്രങ്ങളിലൊന്നായ യുണൈറ്റഡ് സ്റ്റേറ്റ്സ് ഫിഫ്ത് ഫ്ലീറ്റ് ബഹ്റൈനിലാണ് പ്രവർത്തിക്കുന്നത്. ഈ മേഖലയിലെ സുരക്ഷ ശക്തമാക്കിയതായി അമേരിക്കൻ സൈനിക വൃത്തങ്ങൾ അറിയിച്ചു.
അതേസമയം സൗദി അറേബ്യ യിലെ സൈനിക താവളങ്ങൾക്കും ഇറാന്റെ മിസൈൽ ഭീഷണി നേരിട്ടതായി റിപ്പോർട്ടുകൾ പറയുന്നു. ആക്രമണത്തെ തുടർന്ന് സൗദി പ്രതിരോധ സംവിധാനങ്ങൾ പ്രവർത്തനക്ഷമമാക്കി, ചില മിസൈലുകൾ തടഞ്ഞുവെന്ന വിവരങ്ങളാണ് പുറത്തുവരുന്നത്.
സംഭവവികാസങ്ങളെ തുടർന്ന് യുണൈറ്റഡ് അറബ് എമിരേറ്റ്സ്ഉം മുന്നറിയിപ്പുമായി രംഗത്തെത്തി. രാജ്യത്തിന്റെ സുരക്ഷയെ ബാധിക്കുന്ന ഏത് ആക്രമണത്തിനും ശക്തമായ മറുപടി നൽകുമെന്ന് യുഎഇ പ്രസിഡന്റ് മൊഹമ്മദ് ബിൻ സയേഡ് അൽ നഹ്യൻ വ്യക്തമാക്കി. “ഞങ്ങൾ എളുപ്പത്തിൽ വീഴുന്ന ഇരയല്ല” എന്നായിരുന്നു അദ്ദേഹത്തിന്റെ മുന്നറിയിപ്പ്.
മധ്യപൂർവ്വേഷ്യയിൽ നേരത്തേ തന്നെ സംഘർഷാവസ്ഥ നിലനിൽക്കുന്ന സാഹചര്യത്തിൽ ഈ പുതിയ ആക്രമണങ്ങൾ മേഖലയിലെ സുരക്ഷയെ കൂടുതൽ ആശങ്കപ്പെടുത്തുകയാണ്. ഇറാനും അമേരിക്കയും അവരുടെ കൂട്ടാളികളും തമ്മിലുള്ള സംഘർഷം വലിയ യുദ്ധത്തിലേക്ക് വഴിമാറുമോ എന്ന ആശങ്കയാണ് ഇപ്പോൾ അന്താരാഷ്ട്ര സമൂഹം ഉയർത്തുന്നത്.