യുകെയിൽ കഴിഞ്ഞ ആഴ്ചയുടെ അവസാനത്തിൽ തണുപ്പ് കൂടുകയും ചെറിയ മഞ്ഞുവീഴ്ചയും അനുഭവപ്പെട്ടതിനു ശേഷം ഇനി തണുപ്പ് കുറയാനാണ് സാധ്യതയെന്ന് കാലാവസ്ഥ വിദഗ്ധർ

ലണ്ടൻ :യുകെയിൽ കഴിഞ്ഞ ആഴ്ചയുടെ അവസാനത്തിൽ തണുപ്പ് കൂടുകയും ചെറിയ മഞ്ഞുവീഴ്ചയും അനുഭവപ്പെട്ടതിനു ശേഷം ഇനി തണുപ്പ് കുറയാനാണ് സാധ്യത. ആർട്ടിക് പ്രദേശങ്ങളിൽ നിന്നുള്ള തണുത്ത കാറ്റ് കാരണം താപനില ഒറ്റ അക്കത്തിൽ താഴ്ന്നു, ഈ സീസണിലെ ഏറ്റവും തണുത്ത ദിവസങ്ങൾ ശനി, ഞായറാഴ്ചകളായിരുന്നു.
ഞായറാഴ്ച രാവിലെ മധ്യ, കിഴക്കൻ മേഖലകളിൽ സൂര്യപ്രകാശം ഉണ്ടായപ്പോൾ, വടക്കുപടിഞ്ഞാറിൽ നിന്ന് മഴയും സ്കോട്ട്ലൻഡിന്റെ പർവതപ്രദേശങ്ങളിൽ ചെറിയ മഞ്ഞുവീഴ്ചയും ഉണ്ടായി.
കാലാവസ്ഥാ വിദഗ്ധൻ ഗ്രെഗ് ഡ്യൂഹർസ്റ്റ് പറയുന്നത് പ്രകാരം, ഈ തണുത്ത വടക്കൻ കാറ്റിനു പകരം അടുത്ത ആഴ്ച മുതൽ അറ്റ്ലാന്റിക് മേഖലയിൽ നിന്നുള്ള മിതമായ കാലാവസ്ഥ വരുമെന്നാണ്
ആഴ്ചയുടെ ആരംഭത്തിൽ മഴയും കാറ്റും കൊണ്ടുവന്ന സ്റ്റോം ബെഞ്ചമിൻ കഴിഞ്ഞ ആഴ്ച യുകെയിലും ഫ്രാൻസിലും കനത്ത നാശം വിതച്ചിരുന്നു.
തിങ്കൾ മുതൽ അൽപാൽപ്പമായി സൂര്യപ്രകാശം, ഇടയ്ക്കിടെ ചെറിയ മഴ, വൈകുന്നേരത്തോടെ പടിഞ്ഞാറു ഭാഗത്തു നിന്ന് ശക്തമായ മഴ.
ആഴ്ചയുടെ അവസാന ദിവസങ്ങളിൽ വടക്കുപടിഞ്ഞാറ് ഭാഗത്തു മഴ തുടരാം, തെക്കുകിഴക്കൻ ഭാഗങ്ങളിൽ കാലാവസ്ഥ കൂടുതൽ ഉണങ്ങിയതും പ്രകാശമുള്ളതുമായിരിക്കും. താപനില സാധാരണ നിലയിലേയ്ക്ക് മടങ്ങും.