കണ്ണൂർ: കണ്ണൂരിൽ കെഎസ്‌യു പ്രതിഷേധത്തിനിടെ ആരോഗ്യമന്ത്രി വീണാ ജോർജിന് പരിക്കേറ്റു. കണ്ണൂർ റെയിൽവെ സ്റ്റേഷനിൽ നടന്ന കെഎസ്‌യുവിന്‍റെ കരിങ്കൊടി പ്രതിഷേധത്തിനിടെയാണ് വീണാ ജോർജിന് പരിക്കേറ്റത്. മന്ത്രിയുടെ കൈക്കും കഴുത്തിനുമാണ് പരിക്ക്. മന്ത്രിക്കൊപ്പം സ്പീക്കർ എ എൻ ഷംസീറും ഉണ്ടായിരുന്നു. വന്ദേഭാരത് ട്രെയിനിൽ യാത്ര ചെയ്യുന്നതിനുവേണ്ടി സ്റ്റേഷനിൽ എത്തിയതായിരുന്നു മന്ത്രി. പരിക്കേറ്റ മന്ത്രിയെ കണ്ണൂർ ജില്ലാ ആശുപത്രിയിലേക്ക് മാറ്റി. ആരോഗ്യമേഖലയിൽ തുടർച്ചയായി ആരോപിക്കപ്പെട്ട ചികിത്സാപിഴവുകളെ ചൊല്ലിയായിരുന്നു കെഎസ്‌യു പ്രതിഷേധം.

കൊച്ചി: വൈറ്റില റെയിൽവേ ട്രാക്കിൽ യുവതിയെ കൊല്ലപ്പെട്ട നിലയിൽ കണ്ടെത്തിയ സംഭവത്തിൽ കൊലപാതകമാണെന്ന് പോലീസ് സ്ഥിരീകരിച്ചു. മരിച്ചത് 45 വയസുള്ള സുധ ബേബിയാണ്. സംഭവവുമായി ബന്ധപ്പെട്ട് 63 വയസുള്ള കെ.വി. ഷാജിയെ പോലീസ് അറസ്റ്റ് ചെയ്തു. അന്വേഷണത്തിൽ, സുധയും ഷാജിയും നേരത്തെ പരിചയമുള്ളവരാണെന്ന് കണ്ടെത്തി. ഇരുവരും തമ്മിലുണ്ടായ തർക്കത്തെ തുടർന്ന് ഷാജി സുധയെ ക്രൂരമായി മർദിച്ച് കൊലപ്പെടുത്തുകയും, സംഭവം ട്രെയിൻ അപകടമെന്ന് തോന്നിപ്പിക്കാനായി മൃതദേഹം റെയിൽവേ ട്രാക്കിൽ എത്തിച്ചുവെക്കുകയുമായിരുന്നു എന്നാണ് പോലീസ് നിഗമനം. സി.സി.ടി.വി ദൃശ്യങ്ങൾ, പ്രതിയുടെ […]

തൃശൂർ: പീച്ചിക്കടുത്ത് മയിലാട്ടും പാറയിൽ കാട്ടാനയുടെ ആക്രമണത്തിൽ യുവാവിന് ദാരുണാന്ത്യം. മയിലാടുംപാറ സ്വദേശി ഷിജുവാണ് (35) മരിച്ചത്. വൈകുന്നേരം അഞ്ചുമണിയോട് അടുത്താണ് സംഭവം. ഷിബുവും ഷിബുവിനോടൊപ്പം മറ്റ് നാല് പേരുമുണ്ടായിരുന്നു. കാട്ടാനയെ കണ്ടതോടെ മറ്റുള്ളവർ ഓടി രക്ഷപ്പെട്ടു എന്നാൽ ഷിബുവിന് ഓടി മാറാൻ കഴിഞ്ഞില്ല വീണുപോയ ഷിബുവിനെ കാട്ടന ആക്രമിക്കുകയുമായിരുന്നു സംഭവസ്ഥലത്തു വച്ചു തന്നെ ഷിബു മരണപ്പെട്ടു വനം വകുപ്പ് ഉദ്യോഗസ്ഥർ സ്ഥലത്തെത്തി നടപടികൾ സ്വീകരിച്ചു. ഷിബുവിൻ്റെ മൃതദേഹം തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റി